«Ձոն» տեխնոլոգիական հանրակրթության ստուգատես
Տևողությունը՝ մարտի 6-ապրիլի 9
Կազմակերպիչ-մասնակիցներ՝ Պատանի ծրագրավորողների ակումբ, Հետազոտական վարժարան
Ուղղությունը՝ մեդիամիջավայր, մեդիահմտություններ
«Ձոն» ստուգատեսին «Պատանի ծրագրավորողների ակումբ»-ի մասնակցության ձևաչափը կլինի սեմինարների կազմակերպումը, մեդիանյութերի ստեղծումը: Նախագծային խումբը կներկայացնի ավագ դպրոցում փորձարկվող նոր թվային միջավայրերը՝ Moodle և Google workspace for education: Կներկայացվեն նաև գործող հարթակները՝ MTeams, WordPress: Սեմինարների մասնակիցները՝ սովորողներ, ուսուցիչներ, գրասենյակի աշխատողներ, կծանոթանան բոլոր հարթակների գործիքներին, ֆունկցիաներին, առավելություններին, տարբերություններին:
Արդյունքում կստեղծվեն մեդիանյութեր բոլոր հարթակների մասին, կընտրվեն լավագույն հարթակները՝ ըստ դպրոցների կարիքների, և կգործարկվեն դրանք դպրոցներում:
Սեմինարների օրերը՝ մարտի 6, 13, 20, 27, ժամը՝ 15:00-16:00: