Արցախ գիտական փառատոն

Երբ․ մայիսի 7–9-ը

Որտեղ․ Արցախ, Մարտակերտ

Փառատոնի մասին․

Ձմեռային մարզական խաղերով ճամփորդություն․ Սևաբերդ

Վայրը՝ Կոտայքի մարզ, գյուղ՝  Սևաբերդ

Ճամփորդության ամսաթիվը՝ հունվարի 18

Շրջանավարտները՝ Շիրակում

Սեբաստացի սովորողը ամառ թե ձմեռ, աշուն թե գարուն ճամփորդական ուսապարկով է․ սեբաստացիների համար անպատկերացնելի է կրթությունն առանց հայրենաճանաչության, հայրենիքն առանց չափչփելու սիրելը, ընկերոջ հետ մի կտոր բրդուճ չկիսելը։ Կյանքի կրթություն, թե կրթության կյանք, այս դեպքում նույնն են, և այն ոչ սկիզբ ունի, ոչ վերջ․․․ Այս շարունակական կրթության կենտրոնում այսօր 2020-2021 ուստարվա շրջանավարտներն են։ Նրանք պարգևատրված են Հայաստանով մեկ թափառումներով։ Ահա, Շիրակ աշխարհում եռօրյա սեբաստացիական ճամբար՝ վայելքի, ուրախության, հավեսի օրեր։

ՄՍԿՀ ՏՏ լաբ & Գեղամավանի Արմաթ․ կրթական փոխանակումներ

Ու լավ է, որ ունենք «Գագարին» նախագիծը՝ հնարավորություն ունենք ընկերություն անելու, իմացածը, ՏՏ հմտությունները փոխանակելու, փոխայցեր կազմակերպելու, և ի վերջո, թափառումով հայրենիքի մի կտորը ճանաչելու ու սիրելու ․․․

Մնացածը՝ տեսանյութում․

Մայիսյան հավաք Գեղամավանում

Նպատակը․ «Գագարին» նախագծի և Մայիսյան հավաքի շրջանակներում ապրիլի 21-23-ը կրթահամալիրում կազմակերպվել է տեխնոճամբար։ Մասնակիցները՝ Գեղամավանի Արմաթ ակումբի և կրթահամալիրի ՏՏ դասընթացի սովորողները։ Երկրորդ փուլը նախատեսվում էր կազմակերպել Գեղմավանում՝ մայիսի 7-8-ը։ Համավարակով պայմանավորված տեխնոճամբարի երկրորդ փուլը հետաձգվեց հունիս ամիս, վայրը՝ Արատես։ Իսկ գեղամավանցի բարեկամներին, ճամբարականներին Գեղամավանով ավելի լավ ճանաչելու համար, կրթահամալիրի ՏՏ, մաթեմատիկական նախագծերը ներկայացնելու համար մայիսի 7-ին նախատեսվում է սեբաստացիներով այցելել Գեղմավան։

Ժամկետը. մայիսի 7-ին, ժամը՝ 9։00-19։00

Արագածյան պատումներ

Ավագ դպրոցի սովորողների համար 2020-2021 ուսումնական տարվա առաջին օրը՝ գիտելիքի օրը, մեկնարկեց բարձունքի հաղթահարմամբ։ Ավելի մանրամասն կարդացեք սովորողների պատումներում՝

Արատեսյան ուսումնական բաց ճամբար

Երբ՝ օգոստոսի 7-9-ը

Վայրը՝ Վայոց Ձորի մարզ, Արատեսի դպրական կենտրոն

Մասնակիցները՝ սովորողներ, ուսուցիչներ

Մի փունջ կանաչ

Շրջակա միջավայրի համաշխարհային օրվա կապակցությամբ կանաչ նկարաշար-նվեր` Իջևանի դենդրոպարկից.

Կրթական, բարեկամական կամուրջներ և մեր տոնը

Երբ՝ սեպտեմբերի 20-22-ին:

Նպատակը՝ ՀՀ անկախության 28-րդ տարելիցի առթիվ կրթական, բարեկամական կամուրջներ հաստատել Արցախի Հանրապետության Քաշաթաղի շրջանի Արտաշավիի Լ. Ազգալդյանի անվան միջնակարգ դպրոցի հետ: Որպես նվեր կրթահամալիրի կողմից բարեկամ դպրոցին տրամադրել էլեկտրոնային գրատախտակ, պրոյեկտոր: Սեպտեմբերի 21-ին կրթահամալիրի ավագ դպրոցի  սովորողները, Լ. Ազգալդյանի անվան դպրոցի սովորողները մեր՝ բոլորիս, տոնը նշել Ըղըրթափա լեռան բարձունքին: Հարցազրույցների, տեսանյութերի պատրաստում Քաշաթաղի, բնակիչների, առօրյայի մասին:

Գյուղի մասին՝ Արցախի Հանրապետության Քաշաթաղի շրջանի Արտաշավիի գյուղական համայնքը տեղաբաշխված է Հակարի գետի ձախակողմյան բարձրադիր լանջերին /ծ.մ. 1200-1500մ բարձր/՝ Բերձոր շրջկենտրոնից 35 կմ հյուսիս /մայրաքաղաք Ստեփանակերտից՝ 85 կմ հեռու/։ Գյուղում բնակվում է 145 մարդ։ Ազատագրվել է 1993 թ. գարնանը, վերահայացել 1994 թվականի երկրորդ կեսից: Գյուղի Լեոնիդ Ազգալդյանի անվ. միջնակարգ դպրոցը գործում է 1995 թվականից, այժմ ունի 31 սովորող:

Արատեսյան ստեղծագործական հավաքի ամփոփում

…

Արատեսի դպրական կենտրոնի համար ծրագրավորման-ինժեներական գաղափարներ, լուծումներ միանշանակ կարող էինք գտնել հենց Արատեսում: Եվ ստեղծագործական հավաքի հայտարարությունը կազմվեց, էլեկտրոնային փոստով ուղարկվեց սեբաստացիներին, գործընկեր դպրոցներին: Արձագանքեցին կրթահամալիրի սովորողներից, կրթահամալիր ընդունվելու դիմած սովորողներից և Վանաձորի Արմաթ խմբակի սովորողներից: Խումբը պատրաստ է՝ 13 սովորող և երկու դասավանդող: