Հանրակրթական դիջիթեք 16-րդ միջազգային ստուգատես
Կազմակերպիչ՝ Երևանի «Մխիթար Սեբաստացի» կրթահամալիր
Ավագ դպրոցում դիջիթեքի համակարգող՝ պատանի ծրագրավորողների ակումբ
Աջակից՝ ՀՀ ԿԳՄՍՆ
Պաշտոնական կայք՝ edudigitech.mskh.am
Հանրակրթական դիջիթեքը ՏՀՏ միջոցների կիրառմամբ ուսուցման կազմակերպման, յուրացման, ինքնաուսուցման ամենամյա բաց ստուգատես է: Դիջիթեք 2023 ստուգատեսին ավագ դպրոցից մասնակցելու համար պետք է ունենալ ուսումնական, նորարարական ստարտափ գաղափար կամ նախագիծ։ Հայտ ներկայացնելով՝ ստուգատեսի մասնակիցները հնարավորություն են ստանում իրենց ստարտափ գաղափարները հստակեցնելու, հանրայնացնելու, ՏՏ ոլորտի մենթորների օժանդակությունը ստանալու և արդյունքում՝ ստարտափ գաղափարը զարգացնելու, իրականացնելու։
Ստուգատեսին հայտ կարող են ներկայացնել ինչպես անհատները, այնպես էլ խմբեր, դասարաններ՝ լրացնելով հայտ ձևաթուղթը։
Ստուգատեսյան օրերին կրթահամալիրը կհյուրընկալի ստարտափների հիմնադիրների, ՏՏ ոլորտի մասնագետների, որոնք խորհուրդներ կտան մասնակիցներին, կօգնեն գաղափարն ավելի ուժեղ դարձնելու և հաջողակ ստարտափ հիմնելու հարցում։
Աշխատակարգը՝
Դեկտեմբերի 28— հունվարի 15՝
Հունվարի 8— հունվարի 27՝
- անհատական, խմբային, դասարանական, դպրոցական, ընտանեկան մասնակցության հայտերի ընդունում,
- ստարտափերի հանրայնացում, հանդիպումների, քննարկումների կազմակերպում,
- պատանի ծրագրավորողների ակումբի անդամների, ՏՏ ոլորտի մասնագետ–շրջանավարտների, այլ մենթորների օգնությամբ գաղափարի, նախագծի հստակեցում, համատեղ աշխատանքներ,
- ֆոնդհայթայթման աշխատանքներ,
- նյութերի հրապարակում, լուսաբանում ուսուցիչների և սովորողների բլոգներում, անհատական կայքերում, mskh.am-ում, այլ սոցցանցերում:
Փետրվարի 1՝ ստուգատեսային տոն-ղափամա:
My Edu Way 